Inhalt auf Plattdeutsch: Söven mit een Slag hett Snieder David doothaut - ok wenn't man blots Flegen sünd. Dorüm treckt he nu driest un blied rut in de Welt. Mit Kraasch un Kneep is he all Gefohren över un schafft dat bet na"n Königshoff. För König Ernst kümmt de junge Held jüst as bestellt, denn in sien Riek luert se al lang op so"n Baas vun Keerl. Kann de jüm villicht twee düvelsdulle Riesen, "n veniensch Eenhoorn un "n füünsch Wildsöög vun"n Hals kriegen? Wenn he düsse dree gräsigen Opgaven rieten kann, denn winkt em nich bloots dat halve Königriek, man ok de Hand vun de dusendschöne Prinzess Paula.